|
Къырымтатар яшлары Анкъарада корюштилер
Ноябрь 13-14 куньлери дюньянынъ чешит улькелеринде яшагъан къырымтатар генчлери Тюркиенинъ Анкъара шеэринде кечирильген 6-нджы Къырымтатар яшлары къурултайына топландылар. Къырымны къурултайда, чешит тешкилятларнынъ азалары олгъан 14 генчтен ибарет делегация такъдим этти. Къурултайнынъ 150-ден зияде иштиракчиси эки кунь девамында яшларнынъ огюнде тургъан муим меселелер, джумледен къырымтатар тилини джанландырмакъ ве къорчаламакъ, миллий гъае этрафында бирлешмек киби проблемлер боюнджа фикир пайлаштылар. Шусы дикъкъаткъа ляйыкъ ки, мезкюр къурултайда Къырым ханлары Герайлар сюлялесининъ, бундам бир бучукъ асыр эвельси рус ишгъали себебинден Къырымны ильк терк эткен Азакълыогълу ве Кефелиогълу сюлялерининъ векиллери де булундылар. Комментарии могут добавлять и просматривать, только, зарегистрированные пользователи. |
Разделы
|