Абсолют категорияда гъалип чыкъкъан Арсен Юнусов турнирнинъ баш мукяфаты — къочкъарны эльде этти.

Бекленильгени киби, ярышкъа Романиянынъ Костендже шеэринден яш пельванлар да къатылдылар.
Эминликнен айтмакъ мункюн ки, Миллий куреш боюнджа федерация Бутюндюнья къырымтатар конгресси ве къырымтатар Миллий Меджлисининъ дестегинен тешкилятландыргъан   бу ярыш   керчектен  де  юксек севиеде кечти.
Тутушувлар арасында тенеффюсте сейирджилерни миллий санаткярларымыз, джумледен, «Макъам» ан­самбли, халкъ йырларынынъ устасы, йырджы Дилявер Ос­манов хошнут эттилер.
Ярышлар екюнленген сонъ исе пельванлар ве мусафирлерге лезетли пиляв икрам этильди.
Секиз чеки категориясы боюнджа отькерильген ярышларда биринджиликни Изет Къадыров, Халил Хайбердиев, Смаил Сеитаблаев, Евгений Синякин, Аметхан Къашкъаев, Амин Аблямитов, Тимур Примшаев, Арсен Юнусов къазандылар.

Пельванлар эр бир тутушувда бош кельмемек ичюн пек тырыштылар.