Асан якъында «Украина» телеканалында олып кечкен «Халкъ йылдызы-3» («Народна зiрка-3») музыкалы шоу-профаммасында биринджи ерни алды. Гъапипке мукяфат оларакъ ярым милли­он гривня такъдим этильди.
Асан Билялов шоу-програм­мада белли украин йырджысы Злата Огневичнен берабер дуэт олып йырлады.
Декабрь 4 куню «Халкъ йыл­дызы-3» («Народна зiрка-3») шоу-программасынынъ финалы бутюн Украинанынъ дикъкъатыны озюне джельп этти. Финалда шоу-программанынъ иштиракчилери Асан Билялов ве Та­тьяна Фтемова гъалебе къазанмакъ ичюн ярышлаштылар. Опар фаркълы услюпте язылгъан йырларны джанлы эфирде иджра эттилер. Сейирджилернинъ чокъусы озь реилерини Асан Биляловгъа берди.
Асан Билялов 40 яшында. Тасили боюнджа тарих оджасыдыр. Эвли, эки къызы бар. О, озь эвини къурып битирмеге арз эте. Шоу-программада алгъан мукяфатыны хайырлы ишлерге де масраф этеджегини козьде тута.
Асан Биляловны нуфузлы гъалебесинен ватандашлары, шу джумледен, Къырым ЮШ Даимий комиссиясынынъ реиси Ремзи Ильясов да самимий хайырладылар. Биз де бу хайырлавларгъа къошулып, Асангъа даа буюк енъишлерге иришмесини тилеймиз.
Айше АЛИМОВА