Миллетимизнинъ ватанпервер векили Певат Аджирединов Къырымтатар санат музейимизнинъ досту ве бир чокъ ишлерде ильхамджысыдыр. Певат агъа юзлернен ватандашларымыз киби 1975 сенеси асретли Ватанына къавушып, омюрини толусынен онъа багъышлады.
Певат Аджирединов озюнинъ шиирлеринен, меракълы макъалелери, улькешынаслыкъ саасында хызметлеринен, шу джумледен севимли шеэри Къарасувбазарнынъ тарихы боюнджа азырлагъан материалларынен беллидир. Певат агъа миллетимизге аит олгъан медений хазинемизни
толдурув ишине бутюн омюри озь иссесини къошып кельмекте. Меселя, кечкен сененинъ сонъунда Певат Аджирединов Къырымтатар санат музейине 24 эшья багъышлады. О бутюн Къырымны доланып чыкъып, ватандашларымыздан топлагъан къыйметли, юреклерине азиз шейлерни къайдадыр сакъламады да, екяне музейимизге кетирип бермекни рева корьди.
Урьметли Певат агъамызгъа: «Япкъан хайырлы ишлеринъизден Алла разы олсун, - деймиз. — Алла сагълыгъынъызны берсин, даа чокъ йыллар Ватан авасынен нефес алып, озь эйи ишлеринъиз,бильгинъизнен бизлерни къувандырынъыз!».
Сайгъы ве урьмет иле
Къырымтатар санат музейининъ хадимлери
Источник: Янъы дюнья
News maker www.selyam.com
2011-01-21 18:45:40
Раздел: Образование
|
|
Разделы
|
Все комментарии [ 0 ]