Selyam
 
Ваш Email:
Пароль:
 Запомнить меня

Регистрация /Забыли пароль?
Оларнынъ элял хызмети саесинде сагъ къалдым

Кечкен йылнынъ сонъунда апансыздан озюмни ярамай ис этил башладым.

Тонометрни алып, артериаль къан басымымны ольчесем, 180/110-гъа чыкъкъан. Вакъыт созмайып аджеле ярдымгъа телефон эттим. Он дакъкъа кечмеден эким Гульнара Азизова ве эмшире Елена Григорук энди янымда эдилер. Эким эки йыл эвельси мен айны бойле алгъа огърагъанымны хатырлап, керекли чарелерни корип, иляджлар ичиртти. Экинджи куню участка экими Хатидже Хасанова эвиме ке­лип, къан басымымны текрар ольчеди, ве эр шей яхшы, амма турмакъ ясакъ олгъаныны даа бир кере хатырлатты ве ярын невропато­лог Ферузе Ильясованен берабер келеджеги акъкъында айтты.
Сагъ олсунлар, айткъан вакъытларында ке­лип, манъа тедавийлев курсыны бельгиледилер. Ферузе Ягъяевна аптекадан иляджлар кетирди. Шеэрдеки Къызыл Хач тешкилятынынъ эмширеси Диля Устименко эр кунь келип, манъа укол япты. Юкъарыда анъып кечтигим теджрибели, ярдымгъа даима азыр инсанларгъа буюк миннетдарлыгъымны бильдирип, оларгъа Алладан сагълыкъ истейим. Оларнынъ элял хызмети са­есинде мен, джанкойлю бир акъсакъал, сагъ къалдым! Алла бойле инсанларгъа Янъы йылда бахт ве къуванч насип эйлесин!
Асан Бекиров,
2-нджи группа санъаты, дженк
ве эмек ветераны

Джанкой ш.

Источник: Янъы дюнья

News maker www.selyam.com
2011-01-21 18:50:56
Раздел: Здоровье

Разделы

Здоровье
История
Культура
Музыка
Образование
Общество
Политика
Разное
Сельское хозяйство
События
Спорт
Строительство
Экономика


На главную | О проекте | Правила | Помощь
Copyright © 2009-2018  www.selyam.com