Январь 16-18 куньлери Украина Юкъары Радасынынъ реиси Владимир Литвиннинъ ёлбашчылыгьында ресмий делегация Тюркиеде булунды. Делегациянынъ эркянында къырымтатар Миллий Меджлисининъ реиси, Украина халкъ депутаты Мустафа Джемилев де бар эди. Мусафирлер Анкъарада Тюркие Пре зиденти Абдулла Гуль, Буюк Миллий Меджлиснинъ Реиси Мехмет Али Шахин ве Тюркиенинъ Баш назири Реджеп Тайип Эрдогъаннен корюштилер.
В. Литвин ёлбашчылыгъындаки делегация Украинагъа къайткъан сонъ, М. Джемилев Президент Абдулла Гуль ве Тюрк дюньясы меселелери боюнджа девлет назири Фарук Челикнен айрыджа корюшмек ичюн Тюркиеде къалды. Бу корюшювде Тюркиедеки къырымтатар дернеклери Меркезий офисининъ ёлбашчылары да иштирак эттилер. Корюшювде къырымтатарларгъа тасиль, тиббият ве сайре сааларда ярдым колемини арттырмакъ меселелери бакъылды.
М. Джемилев Тюркиеге зиярет девамында диаспора векиллеринен корюшип, Къырымдаки социаль-сиясий вазиетни, ана-Ватанда ве Тюркиеде яшагъан къырымтатарларнынъ эр тарзфлы алякъаларыны пекитюв меселелерини музакере этти. М. Джемилевнинъ Къырымгьа январь 21-де къайтмасы къарарлаштырыла.
Источник: Янъы дюнья
News maker www.selyam.com
2011-01-21 19:53:49
Раздел: Политика
|
|
Разделы
|
Все комментарии [ 0 ]