Программа черчивесинде газета ве меджмуаларгьа, 585 агъыр хастагьа операция япылмасы ичюн малиевий ярдым косьтерильди, сюргюн этильген гражданлар топлу яшагъан ве сув агъы олмагъан 5 массив ичимлик сувнен теминленди, янгьындан зарар корьген я да мухтадж олгъан 18 къорантагъа маддий ярдым берильди.   Бундан  да  гьайры,имтиязларгъа малик олгъан 96 къорантанынъ ятакъханеде яшагьанлары ичюн кира акъкъы тёленди, яз айларында 45 бала сагъламлаштырылды, 7 бедиий ве 11 окъув-усулий китабынынъ чыкъарылмасына сермия айырылды.
Миллетлерара   мунасебетлер ве сюргюн этильген гражданларнынъ ишлери боюнджа джумхуриет комитетининъ малиевий ярдымы саесинде бир сыра байрам мерасимлери, конкурс ве фестиваллер, иджадий акъшамлар, юбилейлер тешкиль этильди.Программа . черчивесинде 39 миллий сыныф ве группа маддий-техникий джеэттен теминленди. И. Гаспринский адына джумхуриет къырымтатар китапханеси ичюн 4 компьютер ве «Крым» девлет телерадиокомпаниясынынъ «Содружество» телестудиясы ичюн 1 компьютер сатын алынды.
Украина девлет бюджетинден социаль-медений тедбирлер ичюн айырылгъан сермия эсабына 351 къорантанынъ ёл ве багаж еткизюв масрафлары одельди, 123 къоранта шахсий мескен-эвлерининъ къуруджылыгъыны екюнлемек ичюн бир керелик маддий ярдым алды.