Selyam
 
Ваш Email:
Пароль:
 Запомнить меня

Регистрация /Забыли пароль?
Къырымтатарджа къонушып, масхара олайыммы?

Рустем бей Акъмесджитнинъ Марьино къасабасындан автобускъа отурды. Бир де не корьсин — балалыкъ аркъадашы Кемал бей къаршысында отура. Эки аркъадаш бири-бирине сарылдылар. Къонушып башладылар. Лякин нормаль олмагьан бир шей бар эди. Рустем бей къырымтатарджа къонушты. Кемал бей исе онъа къаршылыкъ русча джевап берди. Бу гъарип вазиет янларында отургьан ихтияр бир ёлджунынъ дикъкъатыны чекти.

Яшынынъ 80 дживарында олгъаны анълашылгъан ёлджу лафкъа къошулды. Кемал бейгe бакъып, бу суальни берди:
— Бу адам (Рустем бей) сеннен, сенинъ ана тилинъ - къырымтатарджа къонуша, сен нечюн бу тильде джевап бермейсинъ?
Кемал бей шашты-шашмалады. Бу къарт инсан къырымтатарлардан олмагьаны корюне эди. Амма о къырымтатарджа лаф эте.
— Я сиз кимсинъиз? — деп сорады Кемал бей.
-  Меним адым Игорь. Балалыгъым къырымтатарлар арасында кечти...
Кемал бей ич бир джевап бермеди. Рустем бейнен экиси къонушмагъа девам эттилер.
Рустем бей къырымтатарджа, Кемал бей русча къонуштылар ёл бою. Тиллер фаркълы олса да, олар бири-бирини анълай эдилер.
Автобус эппейидже ёл алды. Рустем бей озь турагъына кельсе де, автобустан чыкъмадым. Кемал бейнен берабер сонъки туракъкъа къадар барды. Олар экиси автобустан чыкъкъанда Рустем бей:
—  Кемал, меннен нечюн ана тилимизде лаф этмединъ? — деп сорады.
Аркъадашы Кемал бейнинъ джевабы оны текмиль шашырды:
— Энди не, къырымтатарджа лаф этип масхара олайыммы?..
Ихтар: Бу адисени Акъмесджитте яшагьан Эльвис Гъафаровдан эшиттим.

Источник: Янъы дюнья
Автор: Ибраим Озденогълу

News maker www.selyam.com
2012-02-24 15:58:12
Раздел: Общество

Разделы

Здоровье
История
Культура
Музыка
Образование
Общество
Политика
Разное
Сельское хозяйство
События
Спорт
Строительство
Экономика


На главную | О проекте | Правила | Помощь
Copyright © 2009-2022  www.selyam.com