Къырымтатар халкъы Меджлисининъ реиси Мустафа Джемилев хайырлав сёзюнде эр кесни Къурбан байрамынынъ сонъки куню иле хайырлап, ярыш тешкилятчыларына тешеккюрлерини бильдирди ве курешчилерге гьалебелер тиледи. Бунынъ киби де о, Къырымда бойле турнир ильк сефер кечирильгенини къайд этил, илериде бойле ярышлар аньаневий оладжагьына умют бильдирди.
Турнирнинъ ачылышында энъ кичкене курешчилер туту штылар. Оларнынъ ярышына исе Рустем Казаков акемлик япты.
Ярышта курешчилер алты чеки категориясында - 60, 70, 80, 90, 100 ве 100-ден зияде килограмм — кучь сынаштылар. Эр бир категорияда иштирак эткенлер медаль ве дипломларнен, гъалиплер исе анги чекиде олгьанына коре къойнен такъдирлендилер. Месёля, 60 килограмм чекидеки гьалипке 100 килолыкъ, энъ агъыр чекининъ гъалибине исе 250 килолыкъ къой берильди.
Тенефюс вакътында чешит девлетлернинъ спортчылары озь миллий куреш чешитлерини нумайыш эттилер.
Куреш боюнджа халкъара ярышта ашагъыдаки курешчилер гъалип чыкътылар:
60 килограмм чеки категориясында: 3-нджи ерде — Нариман Атарис, 2-нджи ерде — Абдулхалил Хайбердыев, 1-нджи ерде - Эрнест Велишаев;
70 килограмм чеки категориясында: 3-нджи ерде - Иззет Къадыров, 2-нджи ерде — Умер Билялов, 1-нджи ерде -Ленур Темиров;
80 килограмм чеки категориясында: 3-нджи ерде — Осман Салиев, 2-нджи ерде — Ридван Асанов, 1-нджи ерде — Эннан Сеферов;
90 килограмм чеки категориясында: 3-нджи ерде - Эльдар Мемедов, 2-нджи ерде -Алим Аблямитов, 1-нджи ерде — Амит Аблямитов;
100 килограмм чеки категориясында : 3-нджи ерде - Ислям Ислямов, 2-нджи ерде Александр Алексеев, 1-нджи ерде — Элемдар Саидов.
Энъ агъыр чеки категориясында Арсен Юнусов учюнджи, Тимур Примшоев — экинджи ве Игорь Задерновский биринджи  ерни   эльде  эттилер.
Турнир спонсорларындан бири TurkishAirlines кампаниясындан махсус бахшыш — Истанбулгъа билет 100 килограмм чеки категориясында енъген Элемдар Саидовгъа такъдим этильди.
Ярьштан сонь турнир иштиракчилери ве мусафирлер байрам софрасына давет этильдилер.