Иште, Регионлар партиясы — 30,07%, «Батькивщина» — 25,47%, «УДАР» - 13,93%, «Свобода» — 10,42% рей къазандылар.
Къырымтатарлардан депутатлыкъкъа намзетлерини косьтергенлерден ич бириси парламентке кечип оламады. 8-нджи округда Регионлар партиясындан — 62,42 файыз рейнен Борис Дейч енъди, «Батькивщина»дан иштирак эткен Эскендер Бариев 15,87% рейни эльде этти.
10-нджы даиреде озь намзетини озю косьтерген Ахтем Чийгоз экинджи ерде. Демек Украина Юкъары Шурасында кене тек бир къырымтатар депутаты оладжакъ. Бу — парламентке «Батькивщина»нынъ джедвели боюнджа кечкен Миллий Меджлис реиси Мустафа Джемилевдир.