Selyam
 
Ваш Email:
Пароль:
 Запомнить меня

Регистрация /Забыли пароль?
«Симферополь» аэропортына Aметхан Султаннынъ адыны бермек тешеббюсине къолтуткъан тешкилятларнынъ сайысы артмакъта.

«Ватан къанатлары» къырымтатар авиаторлары тешеббюсчи группасынынъ Акъмесджиттеки «Симферополь» халкъара аэропортына халкъымызнынъ шанлы эвляды, дюньяджа белли учуджы Аметхан Султаннынъ адыны бермек тешеббюсине бир чокъ джемаат тешкилятлары къолтуттылар.

Бу куньлерде редакциямызгъа Украина офицерлери Бутюнукраин тешкилятынынъ башы, Украина халкъ депутаты В. Билоус ве Украина халкълары форумынынъ Президенти, генерал-лейтенант В. Мартиросяннынъ мураджаатлары кельдилер. Мураджаатларда, джумпеден, шойле дениле:

«Украина Юкъары Шурасынынъ 2010 сенеси июль 7 куню къабул эткен «Советлер Бирлигининъ эки дефа къараманы Аметхан Султаннынъ 90 йыллыгъыны нишанлав акъкъында»ки къарарына бинаэн, Украинада эфсаневий учуджы, Советлер Бирлигининъ эки дефа къараманы, Девлет мукяфатынынъ лауреаты, хызмет косьтерген учуджы-сынавджы, бир чокъ орден ве медаллернинъ кавалери Аметхан Султаннынъ юбилейине азырлыкъ кете.

Украина офицерлери бирлиги ве Украина халкълары форумы «Ватан къанатлары» учуджы ветеран-ларынынъ «Симферополь» халкъара аэропортына Аметхан Султаннынъ адыны бермек тешеббюсине къолтуталар.

КъМДж Юкъары Шурасыны «Симферополь» халкъара аэропортына Аметхан Султаннынъ адыны берюв боюнджа къарар къабул этмесини риджа этемиз».

Источник: Янъы дюнья

News maker www.selyam.com
2010-07-24 00:24:35
Раздел: История

Разделы

Здоровье
История
Культура
Музыка
Образование
Общество
Политика
Разное
Сельское хозяйство
События
Спорт
Строительство
Экономика


На главную | О проекте | Правила | Помощь
Copyright © 2009-2018  www.selyam.com