Эр акъшам балачыгъынъызны янынъызгъа отуртып, онынънен ич олмагъанда 10-15 дакъкъа ана тилинде чыкъкъан газеталарымызны берабер окъусанъыз, эм баланынъ сёз байлыгъыны зенгинештирирсинъиз, эм онынъ дюнья-бакъышыны кенишлетирсинъиз, — дел сая Акъмесджитнинъ дживарындаки Сувукъ дере къасабасында яшагъан догъма юкъары къаралезли Сеитмемет агъа Халилов.
Бу адам вакъытнен эсаплашмайып, бир чокъ семетдешлеримизнинъ эр бирининъ эвине кирип, халкъымызнынъ,   тилимизнинъ   гъает
аджыныкълы вазиети акъкъында теляшнен икяе эте, тилимиз гъайып олса, биз де миллет оларакъ гъайып оладжагъымызны анълатмагъа тырыша, миллий неширлеримизге абуне олмагъа чагъыра.
— Къырым меселеси, халкъымызнынъ келеджегинен багълы меселелер артыкъ къаныма синъди. Эм тек меним дегиль, бильхасса бизим несили-мизнинъ озь вакъытында миллий арекетке къошулгъан векиллери халкъы-мызнен багълы эр бир меселеге лякъайд бакъып оламайлар. Биз эр ерде бу меселелерни котермеге, анълатмагъа тырышамыз. Къырымгъа келип ана тилимизни джоймакъ олмаз! Шу себептен ана тилимизде чыкъкъан неширлерге абуне олмакъ керекмиз!