Бу къанун лей-хасы (№ 7350, 10.11.2010 с.) ичюн 378 халкъ депутатындан 261 депутат рей берди. Иште, эндиден сонъ бу къанунгъа мувафыкъ къорантада догъгъан янъы бала ичюн девлет тарафындан косьтерильген маддий ярдымнынъ колеми эппейи арта. Бойлеликнен, биринджи бала ичюн — 25 бинъ гривня (шимди 12 бинъ гривня), экинджи бала ичюн — 50 бинъ гривня, учюнджи ве бундан да зияде бала ичюн — 100 бинъ гривня колеминде ярдым бериледжек.