Меселя, базылары «джинабет» деген сёзни билир-бильмез къулланалар. Дейик, баланы тазирлегенде биле шу сёзни пек сыкъ ишлетемиз. Албу ки, о пек чиркин сёз олып, бильхасса яш балагъа нисбетен къулланмагьа ич де келишмеген бир келимедир. Чюнки эвель-эзельден «джинабет» деп джинсий якъынлыкътан сонъ ювунып темизленмеген адамгъа айткъанлар.

Бизде «къаппазан» сёзю де эксери алларда ерли-ерсиз къулланыла. Базылары бу келименинъ манасыны янълыш анълайлар. Албу ки,   «къалпазан» деп ялан акъча баскъан кимсе акъкъында айтыла. Руслар бу манада «фальшивомонетчик» сёзюни къулланалар. Шунынънен берабер, «къалпазан»нынъ даа меджазий манасы (переносный смысл) да бар. Ялан ве айнеджилик иле иш корьген кимсеге де «къалпазан» дейлер.

Иште, тыпкъы юкъарыда анъылгъан сёзлер киби даа не къадар дигер сёзлеримиз бар. Оларны огренмек ве догъру къулланмакъ керекмиз. Газетамыз сизге тиль огренювде ярдымджы опмагъа эр вакъыт азырдыр!