Вир бучукъ саат девам эткен корюшювде бунынъ киби де Тюркиенинъ Украинадаки эльчиси Ахмет Бюлент, ТИКА президенти Муса Къулакълыкъая ве Мустафа Джемилевнинъ ярдымджысы Асан Умеров иштирак эттилер.
Тюркие Баш назирининъ риджасы боюнджа М. Джемилев Къырымдаки ичтимаийсиясий вазиетни, къырымтатар халкъынынъ энъ муим меселелерини тафсилятлы анълатты. О, бу меселелерни чезювде Украинанынъ иштираки акъкъында айтыркен, агъымдаки сенеде бу макъсадпаргъа девлет бюджетинден олгъаны-оладжагъы 23 миллион гривня айырылгъаныны, бу исе сюргюн этильгенлерни ерлештирюв программасынынъ къапалмасыны косьтергенини къайд этти.
Корюшюв девамында Тюркие
Президенти Сулейман Демирель заманында башлангьан Къырымда сюргюнликтен къайткъанлар ичюн мескен къуруджылыгъы программасыны девам эттирмек келишильди. Бунынъ киби де Къырымда миллий мектеплерининъ сайысыны арттырувгъа да ярдым бериледжеги ишандырылды. Джумпеден, Тюркие Баш назири ТИКА Президентине Акъмесджитнинъ Фонтаны къасабасындаки къуруджылыгъына 27 миллион гривня керек олгъан миллий мектеп бинасыны сентябрь 1 -ге къадар теслим этмек ве Багъчасарай шеэринде мектеп къурув боюнджа эсас ишлерни беджермек авале этильди. ТИКА Президенти бу авалелер, эгер де Украина акимиети тарафындан ич бир тюрлю манна олмаса, вакътында эда этиледжегине сёз берди. Бу мунасебетнен ТИКА Президенти Украина икътисадият назирлиги чокъ йыллар девамында ТИКА-нынъ лейхаларыны тасдикълавны кериге чеккени ве шу себептен бир чокъ ишлер, эм ялынъыз сюргюн этилыенлерге дегиль де, Украинанынъ бир сыра регионларында ярдым ишлери япылмай къалгъаныны да бильдирип, бу акъта Баш назир Украина Президентинен корюшкенде айтмасыны риджа этти.
Январь 25 куню Миллий Меджлис реиси Киевдеки «Украинский дом» офисинде Реджеп Тайип Эрдогъан ве Виктор Януковичнинъ биваста иштиракинде кечкен тюрк-украин бизнес-форумында къатнашты. Тюркие тиджарет палаталары ве мал биржалары бирлешмесининъ
президенти Рифат Хисарджик-огълунынъ риджасы иле чыкъышта булунды. Корюшювде Тюркие Баш назири Реджеп Тайип Эрдогъан да чыкъыш япты.