Белли ки, къырымтатар халкъы Къурултайынынъ къарарына бинаэн июнь 26-да Къырымтатар миллий байрагъы куню къайд этиледжек. Бу куньге багъышлангъан эсас тедбирлернинъ Акъмесджитте отькерильмеси къарарлаштырыла. Тешкилятчылар бу байрам кунюне кениш программа азырладылар.
Джумледен, байрам программасында:
«Къырым, халкъым, миллий байрагъым» мевзусында эдебий ярыш;
«Бизим тараф» мевзусында балалар ресимлери конкурсы;
«Байрагъым» мевзусында фоторесимлер конкурсы;
Кичкенелер ичюн оюн мейданчыкълары;
Куреш боюнджа ярышлар;
Концертлер отькериледжек, фишенклер (салют) атыладжакъ.
Бунынънен бирликте дёрт ёнелиш: Акъмесджит - Акъяр, Акъмесджит - Кезлев, Акъмесджит - Джанкой, Акъмесджит - Судакъ маршрутлары боюнджа автоюрюшлер отькериледжек. Автоюрюш иштиракчилерини озь шеэр ве койлеринъизде къаршыланъыз!
Автоколонналарнынъ озь маршрутлары боюнджа юрюши саба саат 10-да Миллий Меджлиснинъ Шмидт согъагъындаки бинасы янындан башланаджакъ.
Шу куню программадаки дигер тедбирлер Акъмесджиттеки Тренев багъчасында отькериледжек.
Саат 16-да чешит ярышлар,
Саат 18-де исе концерт программасы башланаджакъ.
Эр кесни Къырымтатар миллий байрагъы кунюни берабер къайд этмеге чагъырамыз!
Багъланмакъ ичюн телефон: 0663896214, Айдер Аджимамбетов.
Источник: Янъы дюнья
News maker www.selyam.com
2011-06-24 19:20:20
Раздел: Общество
|
|
Разделы
|
Все комментарии [ 0 ]