Алушта шеэриндеки балабан эски мусульман мезарлыгъы, бир чокъ дигер мусульман объектлери киби коммунист режими тарафындан ернен ексан этилип, бугуньде-бугунь о ерде Акъмесджит-Алушта—Ялта ёлу кече ве автобус станциясы, къаве ве барлар тура.
Мусульман адамларынынъ кемиклерине нисбетен бу ашшалыкъ азлыкъ эткени киби автовокзал мемуриети мында аджетхане къурмакъны къарарлаштыргъан. Бу арекетлер мусульманларнынъ кескин наразалыгьыны къозгъады ве апрель 13 куню митингге 100-ден зияде инсан кельди. Мезарлыкъны акъаретлемелерине къаршы чыкъкъан адамларнынъ митинги мевталарнынъ рухуна окъулгъан дуадан башлады. Дуаны Къырым мусульманлары Диний идаресининъ векили Риза Гъаниев окъуды. Адамлар топлангьан ерге Алушта шеэр шурасынынъ ишлер ёнетиджиси-Игорь Фраткин келип, мезкюр проблемни чезмек ёлларыны берабер тюшюнмекни теклиф этти.
Къырым мусульманларынынъ Диний идареси мусульман дегерликлери сырасына кирген ерлернинъ акъарет этильмесине ёл къоймаз, тарихий кечмишни къорчалав огърунда зарур арекетлерде булуныр.
Къырым мусульманлары
Диний идаресининъ матбуат хызмети
Источник: Янъы дюнья
News maker www.selyam.com
2012-04-20 21:05:08
Раздел: Общество
|
|
Разделы
|
Все комментарии [ 0 ]