Ана-мына дегендже окъув йылы да битти. Онынъ екюнленгенинден делялет бериджи сонъки чанъ къакъылды. Кимиси талебелер мектепни бутюнлей битирип, шенъ окъув йылларынен сагълыкълаштылар, даа кимиси исе мектеп омюрининъ янъы басамагъына адым аттылар. Иште, Акъмесджитнинъ Маршал Жуков микрорайонындаки 29-нджы мектепте майыс 26 куню отькерилыен мезунлар акъшамынынъ иштиракчилери мектеп аятында невбеттеки басамакъкъа котерильдилер, яни башлангъыч сайылгъан 1-нджи басамакъны екюнледилер.
Бу уфачыкъ сыныфта тек 8 къырымтатар ба-лачыгьы окъуй. Оларнынъ сыныф ребери Диляра оджа Решитова балачыкъларгъа биринджи куньлерден къырымтатар тили, дин боюнджа ве башкъа фенлерден бильги берип, энди джиддий окъувгъа азырлады. Бойледже, Диляра оджа мусафирлерге озю азырлагъан «Не? Не ерде? Не вакъыт?» адлы програм-маны такъдим этти. Мында ана-бабалар, оджалар ве балачыкъларнынъ озьлери иштирак эттилер. Талебелер дин, украин ве къырым­татар тиллери, риязият, тасвирий санат боюнджа суаллерге мувафакъиетнен джевап бере бильдилер, сонъра оджалары ичюн шииирлер айтып, оларгъа озь миннетдарлыкъларыны беян эттилер.
Юкъарыда айткъанымыз киби, сыныфта пек аз бала бар. Нетиджеде бир талай меселелер пейда ола биле. Меселя, талебелер етишмегени себебинден сыныфны къэпата билелер. Амма сентябрь айынадже даа ва­къыт бар ве оджалар «Биринджи чанъ» къа-къылгъан куню мектепте янъы балачыкъларны къаршылап аладжакъларына умют этелер. Чюнки бу мектепте къырымтатар балачыкъларынынъ озь ана тилини терендже огренмек ичюн керчек имкянлары бар. Халкъымыз ичюн бунынъ муимлигини айтмасакъ да олур.