Декабрь 4 куню саат 17-де Акъмесджиттеки украин музыкалы драма театринде Сабрие Эреджепованынъ 100 йылпыгъына багъышлангъан концерт оладжакъ. Кириш сербест.
     Тешкилятчылар - Къырым Назирлер шурасы, Джумхуриет миллетлерара мунасебетлер ве сюргюн олунгъан гражданларнынъ меселелери боюнджа комитети, Къырым Медениет назирлиги.
    Мешур йырджымыз Сабрие Эреджепованынъ 100 йыллыгъы мунасебетинен юбилей тедбирлери девам эте. Декабрь 5, чаршенбе куню Исмаил Гаспринский адына джумхуриет къырымтатар кутюпханесинде Сабрие Эреджепованынъ «Меним кечмишим ве агъыр такъдирли аятым» адлы китабынынъ такъдим мерасими отькериледжек. Тедбир саат 14-те башланаджакъ. Истеклилер, буюрынъыз.