Рескомнацнынъ хаберине коре, 2012 сенесине къарарлаштырылгъан сермияларнынъ 81,5 файызы финансирленгеи.
Шу джумледен кърымтатарлар топлу яшагъан къасабаларгъа сув ташымакъ ичюн козьде тутулгъанындан
83.4 файызы, яни 138500 гривня сарф этильди.
Окъув ве окъув-методик китаплар нешир этмек ичюн 58303 гривня, я да
55.5  файыз колеминде сарф этильди. Бедиий  китапларны  бастырмакъ
ичюн 90977,75 гривня я да планлаштырылгъанындан 63,6 файызы ишлетильди.
Репатриантларнынъ неширлерине 413 166 гривня сарф этильди.
Ятакъханелерде яшагъанларнынъ ве кирагъа эв туткъан базы категориядаки шахысларнынъ масрафларыны одемек ичюн 179144,04 гривня, я да козьде тутулгъанындан 94,3 файыз одельди.
Бунынънен бирликте Рескомнац былтыр 35000 гривня микъдарында бир керелик ярдымлар берди. Джемиетте миллетлерара барышыкъны къавийлештирювге догърултылгъан тедбирлернинъ отькерильмесине 40000 гривня, миллий медениетлер ве аньанелерни инкишаф эттирюв боюнджа медений-кутьлевий тедбирлерге 150425 гривня (57,9 файыз) къарайлар ве къырымчакъларнынъ тарихий-медений асабалыгъыны сакълаЛ къалмакъ ичюн 55000 гривня (55 %) сарф этильди. Бундан да гъайры чешит тедбирлер боюнджа кредиторлыкъ борджларны одемек ичюн 604884,72 гривня сарф этильди.