Бу мунасебетнен койдеки Медениет эвинде буюк байрам тедбири отькерильди. Район девлет мемуриети реисининъ муавинлери Л. Кирницкая ве Р. Сеитаблаев, район шурасынынъ реиси 3. Карлюга, район медениет болюгининъ башы Т. Щерба сарыбашлылар огюнде чыкъышта булунып, оларны корюмли тарихнен самимий хайырладылар.
Сарыбаш Медениет эвининъ «Танъ йылдызы» авескяр коллективи, мааллий балалар багъчасында тербиеленген балачыкълар эм де район Медениет эви янында чалышкъан «Селям» триосы, «Услада» вокаль группасынынъ азалары озьлерининъ джазибели чыкъышларынен байрам иштиракчилерине къуванчлы дакъкъалар багъышладылар.