Июнь 29 куню Багъчасарай район девлет мемуриетининъ бинасында Багъчасарай ра-йонындаки къырымтатар ве-киллери Кенъешининъ кениш-летильген топлашувы олып кечти. Топлашувнынъ ишти­ракчилери Ильмий Умеровны Багъчасарай район девлет ме­муриетининъ башы вазифе­синде къалдырмакъ риджа. сынен Украина Президентине, Юкъары Радагъа, Украина Назирлер Кабинетине, Къы-рым ёлбашчыларына мура-джаат къабул эттилер. Бу акъта Багъчасарай районындаки къырымтатар векиллери Кенъешининъ башы Ахтем Чийгоз бильдирди.
Миллий Меджлис реисининъ муавини, КъМДж Юкъары Шурасындаки «Къурултай-Рух» фракциясынынъ башы Ремзи Ильясов, Украи­на Президентининъ Къырымдаки даимий векилининъ муа­вини Ибраим Мамутов, Багъчасарай район шурасынынъ реиси Александр Таряник, район шурасы президиумы-нынъ азалары иштирак эткен бу топлашувда Багъчасарай район девлет мемуриетининъ реисини тайинлев меселеси музакере этильди. Ахтем Чий­гоз бильдиргени киби, базы матбуат васталарынынъ хаберлерине коре, Багъчасарай район девлет мемуриетининъ башы оларакъ «башкъа райондан олгъан бир къырымта­тар» тайинленген экен. Топ­лашувнынъ иштиракчилери шу вазифеде Ильмий Умеров къалмакъ керек, деп къатиен талап эттилер. Чюнки Иль­мий Умеровнынъ ёлбашчылыгъында районда сиясий кергинликнинъ огю алынды, яхшы социальикътисадий косьтергичлерге иришильди. Топла­шувда районнынъ 19 кой шурасындан 17-си Ильмий Умеровгъа къолтутты.