Албу ки, Меджлиске къаршы чыкъкъанларнынъ эписи,  шу джумледен, бир чокъ акимиет векиллери истеселер де, истемесе-лер де Миллий Меджлиснен иш корьмеге меджбурлар.
Иште, бойле фикирни Украинада белли сиясетшынас, Пилил Орлик адына демократия институтынынъ эксперти Наталья Белицер бильдирди.
— Бу керчектен де шашыладжакъ бир шей, чюнки акимлер ресмий мураджаатны озь-лерининъ ресмий сайтларында яптылар. Сёз келими, мураджаат Украина Юкъары Радасынынъ депутаты олгъан Мустафа Джемилевнинъ адына дегиль де, айны къырымтатар Миллий Меджлисининъ реиси Мустафа Джемилевнинъ адына япыла. Шахсен мен бойле шейни Меджлиснинъ мевкъинде юкселюв дел билем, деди эксперт.Айны вакъытта Н. Белицернинъ къайд эткени киби, Баш назирнинъ озь мураджаатыны бойле бир ультиматив тарзда япкъанына тааджипленмеге сыра къалмай, чюнки Къырым-да топракъ меселеси акъкъын-да лафлар энди нидже вакъыттан берли девам эте, лякин чезими аля даа корюнмей.