Selyam
 
Ваш Email:
Пароль:
 Запомнить меня

Регистрация /Забыли пароль?
Сувушар даа девам этеджек, дейлер Къырым синоптиклери

Бутюн Къырымны сарып алгъан дешетли сувукъ бу куньлерде эм матбуат васталарынынъ, эм халкъ агъызында меркезий мевзу олып къалмакъта.

Синоптиклернинъ айткъанлары-на коре, бу йылкисине бенъзеген аязлы куньлер 2006, 2004, 1954, 1942 сенелери олгъан. Бельки де, тек аязнынъ озюне даянмакъ енгильдже олур эди, амма сувукъкъа даа саниеде 25-30 м тезликте эскен кучьлю ель де къошулгъаны, даа догърусы, бузлу фуртунанынъ башлангъаны аязнынъ тесирини къат-къат арттыра.
Нетиджеде, Къырымда гъает кергин вазиет асыл олды. Джумледен алты районда 136 кой бутюнлей электриксиз къалды. Электрик агъларыны тамирлевде 350 адамдан ибарет 106 бригада чалышмакъта. Оларгъа ярдым сыфатында Николаев, Запорожье, Херсон областларындан махсус техника да ёлланылды. Бунынънен бирликте бир къач кунь токътамагъан фуртуна нетиджесинде девлет эмиетиндеки ёлларны къар курьтюклери къапатты — бинълернен автомобиллер ве оларнынъ ичиндеки адамлар дешетли аяз эсаретинде къалдылар. Лякин энъ муими, «Автодор», ДАИ, Мудафаа назирлиги ве МЧСнинъ бирликтеки арекетлери саесинде инсан къурбанларына ёл берильмеди. Къуртарыджылар тек бир февраль 7-ден февраль 8-ге кечер гедженинъ озюнде Акъмесджит —Армянск, Акъмесджит — Джанкой ёлларында 637 автомобиль ве 1857 адамны къар эсирлигинден къуртардылар.
Февраль 8 куню Акъмес-джитте олып кечкен матбуат
конференциясында Гидрометеорология региональ меркезининъ башы Т. Любецкая сувукълар февральнинъ энъ аздан 15-не къадар девам этеджегини къайд этип, бойле авада мумкюн олса, сеферге чыкъмамакъны тевсие этти. Къырым укюметининъ ёлбашчылары да шу фикирделер: ёлгъа чыкъмакътан, тышта насылдыр тедбирлер кечирмектен мумкюн олгъаны къадар къачынынъыз, эвлеринъизде отурынъыз. Къырымда газ теминатынен проблем олмайджакъ. Ал-азырда бутюн иссилик теминаты объектлери нормаль суретте чалышмакъта, дейлер олар.

Источник: Янъы дюнья

News maker www.selyam.com
2012-02-10 18:28:21
Раздел: Здоровье

Разделы

Здоровье
История
Культура
Музыка
Образование
Общество
Политика
Разное
Сельское хозяйство
События
Спорт
Строительство
Экономика


На главную | О проекте | Правила | Помощь
Copyright © 2009-2018  www.selyam.com