Selyam
 
Ваш Email:
Пароль:
 Запомнить меня

Регистрация /Забыли пароль?
Русиеде «Джезалангьан халкърнынъ акъланылувы акъкъында» къанун асла чалышмай Март 17 иуню къырымтатар Миллий Меджлисининъ реиси Мустафа Джемилев Аркадий Горяев реислик япиъан «Русиенинъ джезалангьан халкълары 6ирлиги»нинъ делегациясыны къабул этти

Делегация эркянына Балкъар халкъы къартлар кенъешининъ реиси Исмаил Сабанчиев, «Чеченлер джемаат шурасы» Дагьыстан региональ джемаат тешкиляты реисининъ муавини Султан Шавхалов, Ингуш Джумхуриети «Мехк-Кхель» региональ джемаат арекети Алий кенъешининъ азасы Исса Ахильгов, Къарачай-Черкес «Къарачай» джемаат фондынынъ президенти Хасан Халкечев кирдилер.

Бутюндюнья къырымтатарлар конгрессининъ президенти Рефат Чубаров, Меджлиснинъ информацион сиясети ве джемаат тешкилятларынен алякъалар боюнджа идаре башы Шевкет Къайбуллаев, Меджлиснинъ тышкъы алякъалар болюгининъ башы Али Хамзин, Къырымтатар халкъы геноцидини огренюв ве онынъ акъибетлерини ёкъ этюв боюнджа Къурултайнынъ махсус комиссиясы реисининъ муавини Эльведин Чубаров иштирак эткен корюшюв девамында Мустафа Джемилев ве Рефат Чубаров мусафирлернинъ къырымтатар халкъынынъ Къырымгъа къайтув огърундаки курешининъ тарихына, Украинада къырымтатарларнынъ бугуньки вазиети, озь-озюни идаре этюв миллий органларнынъ фаалиетине ве озь халкъынынъ проблемлерини чезювде девлет органларынен озьара чалышувгъа дайр суаллерине джевап бердилер.
«Русие джезалангъан халкъларынынъ бирлиги» делегациясынынъ азалары Кавказ ве Къалмыкъыстаннынъ сюргюн этильген халкъларынынъ акъ-укъукълары тикленильмеси саасындаки меселелер хусусында сёз юрсеттилер. Мусафирлернинъ къайд эткенине коре, бу джерьян эм федераль, эм региональ севиеде маниаларгъа расткеле. Русие Федерациясы бундан йигирми йыл эвельси къабул эткен «Джезалангъан халкъларнынъ акъланылувы акъкъында» ве «Сиясий баскъы къурбанларыны акълав акъкъында» къанунлары деерлик чалышмай ве демек ки, Русиеде кечмиште джеза ве баскъыгъа огъратылгъан халкъларгъа нисбетен япылгъан джинаетнинъ акъибетлерини ёкъ этювни асла да теминлемей.
Бунынъ киби де корюшювде толусынен акъланув меселелери боюнджа чешит сааларда бирликте иш алып барув имкянлары, СССР девиринде сюргюн этильген халкъларнынъ огюнде девлетнинъ месулиети музакере олунды. Тарафлар СССР джезалангъан халкълар къурултайыны кечирмек зарурлыгъы хусусындаки фикирнен разы олып, къурултайны Украинада кечирмек имкянларыны бакътылар.

Источник: Янъы дюнья

News maker www.selyam.com
2012-03-23 15:27:30
Раздел: Политика

Разделы

Здоровье
История
Культура
Музыка
Образование
Общество
Политика
Разное
Сельское хозяйство
События
Спорт
Строительство
Экономика


На главную | О проекте | Правила | Помощь
Copyright © 2009-2018  www.selyam.com