Selyam
 
Ваш Email:
Пароль:
 Запомнить меня

Регистрация /Забыли пароль?
Олюлернинъ кемиклери устюнде раатланмакъ олурмы?

Къызыл къую (Ленин) районындаки Китен (Семеновка) коюнинъ мусульман джемааты эски къабристан еринде къойгъан хатыра ташы ерли махкеменинъ къарары боюнджа сёкюлип алынды.

Бу вакъиа юзь берген март 27 куню, хатыра ташы янында топлангъан мусульманлар намаз къылаяткъанда Девлет иджра хызметининъ (ОГИС) векиллери ишчилернен ве техниканен берабер келип, хатыра ташыны башкъа ерге алып кеттилер.
Белли ки, Китендеки мааллий акимиет эски мезарлыкъ олгъан ерни анда насылдыр санаторий я да пансионат къурмакъ ичюн хусусий шахысларгъа айыргъан. Амма къуруджылыкъ ишлери башлангъанда о ерден инсан кемиклери къазылып чыкъарылгъан эди. Койнинъ къырымтатар джемааты бу кемиклерни къабрис-таннынъ къуруджылыкъ ишлери башланмагъан бир къысымында янъыдан комип, хатыра ташы ерлештирген ве устюне де бу ерде эски мусульман къабристаны олгъаныны
хатырлатыджы язы къалдыргъан эди. Лякин ерли Шура бунынънен кесен-кес разылашмайып, хатыра ташыны алып ташламакъны талап этти ве айны вакъытта ерли меджлиснинъ башы Зевид Газиев узеринде шикяет иле махкемеге мураджаат этти.
Махкеменинъ къарары, иште, бойле олды. Бундан ачыкъ-айдын корюне ки, Къырымда миллетлерара, динлер-ара барышыкъ кимгедир ич де келишмей. Я, айса Къызыл къую районы киби топракълары боштан-бош яткъан районда бир дане санаторий къурмакъ ичюн башкъа ер тапылмагъандырмы?! Оны мытлакъа къабристан еринде къурмакъ керек эдими? Ёкъ, эльбет. Бу — халкъымызгъа, динимизге къаршы невбеттеки провокация олгъаны шубесиздир.

Источник: Янъы дюнья
Автор: Э. АБКЕРИМОВ

News maker www.selyam.com
2012-03-30 15:42:19
Раздел: Политика

Разделы

Здоровье
История
Культура
Музыка
Образование
Общество
Политика
Разное
Сельское хозяйство
События
Спорт
Строительство
Экономика


На главную | О проекте | Правила | Помощь
Copyright © 2009-2018  www.selyam.com