Selyam
 
Ваш Email:
Пароль:
 Запомнить меня

Регистрация /Забыли пароль?
Акъыллы къызнынъ падишагъа джевабы

Бир заманда бир падиша олгъан. Хансарайында отура-отура безген ве бир кунь везирлерини чагъырып, оларгъа сеферге чыкъаджагъыны анълата. Бойледже, экинджи куню танъда ёлгъа чыкъалар. Олар бир чокъ гузель ерлерни айланалар, раатланалар, акъшамгъа якъын бир койнинъ ортасындан кечеяткъанда, падиша бир азбар ичинде юрген дюльбер къызны коре, башы айлангъанындан аз къала атындан йыкъылмагъа.

Хансарайгъа къайтып кельген сонъ о къыз козю огюнден кетмей, геджесинен козюне юкъу кирмей. Саба эрте тура да, сеферге баргъан везирлерни чагъырып о къызгъа ашыкъ олгъаныны айта ве эки везирни къызнынъ ана-бабасына джавчы (къуда) этил ёллай. Везирлер падишанынъ эмирини эда этмеге кетелер. Везирлер къызнынъ эвине кельген сонъ, онынъ  ана-бабасына  падишанынъ къызгъа севда олгъаныны айткъан вакъытта эвге къыз кире ве ана-бабасыны тышкъа чагъырып: «Падишадан кельген къудаларгъа меним бир истегим бар, — дей. — Эгер падиша манъа 18 яшыма бир тай, 25 яшыма бир ат, 40 яшыма бир бугъа, 75 яшыма бир деве багъышласа, мен онъа акъайгъа бармагъа разым». Везирлер бири-бирине бакъып, кулюше ве «бу къыз акъылсыз экен, падишадан алтын-кумюш сорамаймы», деп падиша сарайына къайтып келелер. Везирлер падишагъа эр шейни анълаталар, къызнынъ истегини еткизелер ве о къыз акъылсызгъа ошагъаныны айталар. Падиша везирлерни динълеген сонъ, къызнынъ акъыллы олгъаныны, везирлери исе акъылсыз олгъаныны анълай. Албу ки, къыз озюнинъ бойле шартларынен:   «Сен 18 яшынъда экенде, таилардаи секирип юргенде къайда эдинъ; 25 яшынъны толдурып, атлардай озюнъни бир ерге сыгъдырамагъанда къайда эдинъ; 40 яшкъа кирип, къутургъан бугъадай диварларны йыкътырып юргенде къайда эдинъ; мына энди 75 яшкъа кирип де, бир аягъынъ тёрде, экинджи аягъын эбедий дюньяда олгъанда манъа къуда ёллайсынъмы?», — демек истеген. Падиша эр шейни анълап, везирлерине о къызгъа барып истеген яшкъа эвленмесини, падишаны исе афу этмесини айта.

Яшларымызгъа меним бир мураджаатым бар. Яшлыкъ бир келе, пек мукъайт олунъыз, эвленмек чагъына кельген яшларымыз, алданманъыз, озь миллет къызлары ве йи-гитлерини сечип алынъыз. Сонъ пешман олманъыз.

Источник: Янъы дюнья
Автор: Юсуф АБЛАЕВ

News maker www.selyam.com
2012-03-30 16:17:17
Раздел: Культура

Разделы

Здоровье
История
Культура
Музыка
Образование
Общество
Политика
Разное
Сельское хозяйство
События
Спорт
Строительство
Экономика


На главную | О проекте | Правила | Помощь
Copyright © 2009-2018  www.selyam.com