Selyam
 
Ваш Email:
Пароль:
 Запомнить меня

Регистрация /Забыли пароль?
Амза Аблаев акъкъында материаллар беклеймиз

Миллий арекет етекчилеринден бири олгьан Амза Аблаевнинъ 90 йыллыгьы алдындан

Бизим миллим арекетимизни башлагъан адамларнынъ бириси — сюргюнлик вакъытында Янгиюль шеэринде яшагъан Амза агъа Аблаев эди. Тезден Амза Аблаевнинъ догьгьанына 90 йыл толаджакъ. О, Ватанымызнынъ энъ дюльбер ерлеринден бири олгьан Корбекуль коюнде дюньягъа кельди. Балалыгъы, генчлиги Ватан топрагьында кечти, лякин о озь юртунда сефа сюрип оламады.
Халкъымызгъа япылгъан джинаетлер, эльбет, Амза агьагъа да токъунмай къалмады, бутюн хорлукъларны, зорбалыкъларны, ачлыкъны дешетли олюмлерни корип, миллетимизнинъ такъдирини тюшюнип чезмеге тырышкъан Бекир Осман, Джеббар Аким, Мустафа Селим, Мухсим Осман ве даа чокъ аркъадашларнен берабер миллий арекетни тешкиль эткенлерден бири эди. Бу адамлар сыкъ-сыкъ корюшип, миллий арекетнинъ гьаесини, къурумыны ве насып ёлларнен барыладжагьыны музакере эте, бутюн халкъны да бу ишке джельп этмек чарелерини тапып, Совет режимини йыкъмагъа наиль олгьан бутюн халкъ арекетини тешкиль эттилер.
Амза Аблаев Ташкент ве Ташкент областынынъ шеэрлеринде тешеббюс группаларыны тешкиль этип, курешнинъ ёлбашчыларындан бири олды. Нам къазангьан оджа, алидженап, юксек бильгили Амза агъа яш несильге озь фени боюнджа бильги ашлагьанындан гъаиры, ватан-перверлик, ана-юртуна, миллетине севги, акъсызлыкъларгъа къаршы ве адалет ичюн курешмек кереклигини ашпай эди.
Амза агъа Аблаевнинъ 90 йыллыгъыны тантаналы суретте кечирмек ичюн, КъМДЖ Юкъары Шурасы Даимий комиссиясынынъ реиси Ремзи Ильясов реберлигинде иш группасы мейдангъа кетирильди. Бу группагьа Рескомнац, И. Гаспринский адына кутюпхане, сенат музейининъ хадимлери, миллий арекет иштиракчилери кирдилер. Бу тантаналы мерасимни алып бармакъ ичюн ватандашларымызнынъ ярдымы керек оладжакъ. Амза Аблаевни якъындан бильген, онынънен берабер чалышкъан, достлары, сой-акърабалары озьлери бильген малюматларыны кутюпханенинъ мудирине бермелерини риджа этемиз, я да 066-440-05-20 телефон аркъалы Дильшад Ильяскъа бильдире билесинъиз. Дильшад Ильяс ШЕЙХ-ЗАДЕ, «Намус» тешкилятынынъ азасы

Источник: Янъы дюнья

News maker www.selyam.com
2012-04-06 15:46:58
Раздел: История

Разделы

Здоровье
История
Культура
Музыка
Образование
Общество
Политика
Разное
Сельское хозяйство
События
Спорт
Строительство
Экономика


На главную | О проекте | Правила | Помощь
Copyright © 2009-2018  www.selyam.com