Selyam
 
Ваш Email:
Пароль:
 Запомнить меня

Регистрация /Забыли пароль?
Акъмесджит регионында ерли меджлислернинъ азалары сайланды

Март 31-де Акъмесджит шеэри ве Акъмесджит районы ерли меджлислерининъ азалары сайланды. Шу куню Акъмесджит регионындаки 34 ерли меджлиске азалар сайланаджакъ 70 сайлав участкасынынъ къапылары сайлавджылар ичюн саба саат 8-де ачылды. 12 ерли меджлис Акъмесджит шеэри ве 22-си Акъмесджит район эркянына кире.

Белли ки, «Къырымтатар халкъы озь-озюни идаре этюв миллим органлар боюнджа низамнаме»ге коре ерли меджлислернинъ азалары умумий, мусавий ве догърудандогъру сайлав укъукъы эсасында гизли рей берюв ёлунен сайланалар. Акъмесджит регионы ерли меджлислерине азалар сайлавларнынъ кечирильмесинден эвель ерли меджлислерге сайлавларны азырлав ве тешкилятландырув боюнджа комиссия тарафындан эр тарафлы иш алып барылды. Ерли территориаль ве участка  сайлав  комиссияларында гонъюлли оларакъ 500-ден зияде инсан чалышты.
Сайлавларны кечирюв, бунынъ киби де сайлавларгъа азырлыкънынъ эр бир бас-къычынынъ тертиби, шу джум-леден намзетлерни косьтерюв ве джедвельге алув акъкъында Акъмесджит регионынынъ сайлавджыларына Кутьлевий информация васталары ве озь-озюни идаре этюв миллий органынынъ ерли тешкилятлары рей берильмесинден 45 кунь эвель хабер этильди. Бельгиленген муддетте ерли меджлиске 322 азанынъ сайланылмасы ичюн 491 намзет джедвельге алынды.
Рей берювнинъ апрель 2 саба екюн чекильген нетиджелерине коре, сайлав эпси ерлерде олды. Койлердеки сайлавджыларнынъ фааллиги 42 файыз, базы ерледе 74 файыз олса, базыларында 27 файызны да тешкиль эткен. Шеэр сайлавджыларынынъ активлиги 30 файызны тешкиль этил, мында да 78 файыздан та 15 файызгъа къадар активлик козетильди.
Ал-азырда ерли меджлислерге сайлавларны азырлав ве тешкилятландырув боюнджа комиссия территориаль ве сайлав участкаларнынъ протоколларыны, бунынъ киби де бюллетенлерни къабул эте. Ерли сайлав комиссия азаларынынъ юксек профессионаллиги саесинде сайлавлар «Къырымтатар халкъы озь-озюни идаре этюв миллий органлар боюнджа низамнаме»ге мувафыкъ кечирильди. Сайлавларны азырлав ве кечирюв боюнджа комиссиягъа анджакъ бир къач шикяет тюшти.
Айны заманда ерли меджлислерге сайлавларны азырлав ве тешкилятландырув боюнджа комиссиянынъ азалары Мазанка ерли меджлисине азаларны сайлавда базы хаталаргъа ел берильгенини къайд эттилер. Бу меселе комиссиянынъ топлашувында да бакъыладжакъ.
Акъмесджит регионында ерли меджлислерге азаларны сайлавларнынъ сонъ нетиджелерине ерли меджлислерге сайлавларны азырлав ве тешкилятландырув комиссиясынынъ энъ якъын вакъытта оладжакъ топпашувында екюн чекиледжек.

Источник: Янъы дюнья

News maker www.selyam.com
2012-04-06 16:17:04
Раздел: Политика

Разделы

Здоровье
История
Культура
Музыка
Образование
Общество
Политика
Разное
Сельское хозяйство
События
Спорт
Строительство
Экономика


На главную | О проекте | Правила | Помощь
Copyright © 2009-2018  www.selyam.com