Selyam
 
Ваш Email:
Пароль:
 Запомнить меня

Регистрация /Забыли пароль?
Вахшийлер Аметхан Султаннынъ суретини фашист нишанынен тахкъир зттилер

Июль 15-тен 16-гъа кечер геджеси Акъмесджитте «белли олмагъан шахыслар» Советлер Бирлигининъ эки дефа къараманы, мешур учуджы Аметхан Султаннынъ суретини фашист нишаны — свастиканен тахкъирледилер. Июль 17-де 5-нджи чагъырылыш Къурултайнынъ оладжакъ 4-нджи сессиясы арфесинде олып кечкен матбуат конферениясында къырымтатар халкъы Меджлиси реисининъ биринджи муавини Рефат Чубаров юзь берген адисеге бойле изаат берди: «Мен шахсен Аметхан Султан адына мейдангъа барып, Аметхан Султан портретинде лис нишанны корип шок кечирдим. Белли ки, портрет пек юксекте асылы. Амма вахшийлер къара ишлерини япмакънынъ чаресини тапкъанлар», — деди о.

Рефат Чубаровнынъ тахминине коре, эльбет де сокъакъта видеокозетюв алып барыла. Я милиция шеэрнинъ там меркезинде бойле вахшийлик япылмасына насыл ёл бере, деп тааджипленди Р. Чубаров ве журналистлерге хитабен, тек ондан дегиль де, шеэр акимлеринден де изаат сорамаларыны тевсие этти: «Къырым Юкъары Шурасы энди чокътан берли шеэрдеки ава лиманына Советлер Бирлигининъ эки дефа къараманы Аметхан Султаннынъ адыны бермек хусусында къарар къабул этмей. Иште, вазифедар инсанларнынъ лякъайдлыгъы мына бойле акъибетлерге кетире».

Источник: Янъы дюнья

News maker www.selyam.com
2012-07-20 17:21:23
Раздел: Общество

Разделы

Здоровье
История
Культура
Музыка
Образование
Общество
Политика
Разное
Сельское хозяйство
События
Спорт
Строительство
Экономика


На главную | О проекте | Правила | Помощь
Copyright © 2009-2022  www.selyam.com