КъМПУ къырымтатар ве тюрк филологиясы факультетининъ оджасы Наталья Кропотова март 26 куню Киевде «Къарай масаллары назмиетининъ хусусиетлери» мевзусында ильмий диссертациясыны алий севиеде къорчалап, Ильмий кенъеш азаларынынъ бирагъыздан макъуллев рейлерини къазанды.
Наталья оджа еди йыл девамында Къырым, Русие, Тюркие кутюпхане ве архивлеринде чалышып, ильмий ребери — филология илимлери докторы, профессор Исмаил Керимовнынъ ёлбашчылыгъында къарай масалларынынъ хусусиетини тедкъикъ этти. Ишини мукеммель бе-джермек ичюн къырымтатар, тюрк, рус, украин тиллерини бильген Н. Кропотова ибранийдже язылгъан эльязмаларнынъ асыл нусхаларыны окъумакъ макъсадынен ибраний тилини де менимседи.
Апрель 2 куню Наталья Кропотованы хайырламакъ ичюн топлангъан факультет оджалары ве аспирантларына янъы илим намзети учь тильде тешеккюр бильдирди.
Источник: Янъы дюнья
News maker www.selyam.com
2013-04-05 19:08:14
Раздел: Образование
|
|
Разделы
|
Все комментарии [ 0 ]