Selyam
 
Ваш Email:
Пароль:
 Запомнить меня

Регистрация /Забыли пароль?
«О, ер юзюнде чечеклер алемини сиз ичюн яраткъан...»

Апрель 3 куню Къырымтатар санат музейинде «О, сиз ичюн ер юзюнде чечеклер алемини яратты» серлевалы янъы серги ачылды. Сергиде акварель техникасында япылгъан 50-ден зияде ресим такъдим этильген. Бу эсерлернинъ муэллифи — белли рессам Мухаммед Алидир (Олег Каленчук 1994 сенеси Ислям динини къабул этип, озь эсерлерини Мухаммед Али адынен имзалап башлады). Тешкилятчыларнынь айткъанына коре, сер-гидеки бир чокь ресимлер биринджи кере нумайыш этиле.

Сейирджилерге бойле аджайип эсерлерини такъдим эткен Мухаммед Алини КъМДж медениет назирлиги дин ишлери боюнджа идаресининъ башы Александр Селевко, Къырым мусульманлары муфтисининъ муавини Айдер Йсмаилов, «Эмель» бутюнкъырым тешкилятынынъ реиси Муслим Дервишев, санатшынас Эльмира Черкезова джан-юректен тебриклеп, онъа буюк иджадий мувафакъиетлер тиледилер.
«Бу ресимлернинъ мусбет тесири сакъланып къала. Оларгъа бакъкъанда, дерсинъ, маневий зенгинлик озе-нине даласынъ», — деди сёзге чыкъкъан Айдер Йсмаилов.
Бу сёзлерге къошулгъан Александр Селевко да рес-самны хайырлап: «Сиз япкъанынъызны   адий  сёзлернен тасвирлемек мумкюн дегиль, акъикъатен де бу чокъ гузель, аджайип   эсерлердир»,   — деди.
Мухаммед Алининъ эсерлери Москвада, Киевде отьке-рильген сергилерде иштирак эттилер. Рессамнынъ ишлери Акъмесджит бедиий музейинде, Къырымтатар санат музейинде ве шахсий коллекцияларда сакълана.
«Мен эр бир сейирджи ресимде тасвирленген муитни мен киби ис эткенини истер эдим. Чюнки бойле муитни тапмакъ ве оны акс эттирмек енгиль дегиль. Табиаттаки гузеллик базыда ресимде ойле олып чыкъмай. Мен эр бир эсеримни Алла огърунда япам», - деп кельгенлерге буюк тешеккюрлерини бильдирди Мухаммед Али.

Источник: Янъы дюнья
Автор: Тимур Къуртумеров

News maker www.selyam.com
2013-04-05 20:14:01
Раздел: Культура

Разделы

Здоровье
История
Культура
Музыка
Образование
Общество
Политика
Разное
Сельское хозяйство
События
Спорт
Строительство
Экономика


На главную | О проекте | Правила | Помощь
Copyright © 2009-2018  www.selyam.com