Selyam
 
Ваш Email:
Пароль:
 Запомнить меня

Регистрация /Забыли пароль?
Генч футболджымызнынъ ильк гъалебеси

Кечкен джума куню Луцк шеэринде Украина премьер-лигасынынь 15-нджи туры олып кечти. Матчта «Волынь» (Луцк) ве «Шахтёр» ( Донецк) футбол такъымлары иштирак эттилер. Бу турда акъикъий сенсация юзь берди десен янъылмамыз. Хусусан футбол-север ватандашларымыз бу тарихий матчкъа эмиет бергендирлер.

Эбет, шимди эр кесни: «Украинада кечкен матч бизим халкъымыз ичюн ненен тарихий сайыла?», - деген суаль меракъландыра биле. Меселе шунда ки, бу матчта бизим ватандашымыз, «Волынь» командасынынъ уджюмджиси Редван Мемешев эки гол урып, озь такъымына гъалип чыкъмагъа ярдым этти.
Редван Мемешев 20 яшында. Профессиональ спорт карьерасыны 2011 сенеси «Крымтеплица» такъымында башлады. Редван о команда теркибинде биринджи лигада ойнай эди. Бу йылнынъ язында исе команда дагъылгьаны ичюн, Редван «Волынь» командасына кечти. О, Украинанынъ премьер-лигасында «Динамо» такъымы теркибинде дебют япты. Редван бу куньгедже 9 матчта иштирак этти. «Шахтёр»гъа ургъан голлары онынъ премьер-лигада ильк голлары сайыла.
Биз Редван Мемешевни бу мувафакъиетнен джан-юректен хайырлаймыз ве келеджекте янъы гьалебелерге иришип, озь мухлислерине даа чокъ къуванч кетирмесини тилеймиз.

Источник: Янъы дунья
Автор: Тимур Къуртумеров

News maker www.selyam.com
2013-11-08 19:11:16
Раздел: Спорт

Разделы

Здоровье
История
Культура
Музыка
Образование
Общество
Политика
Разное
Сельское хозяйство
События
Спорт
Строительство
Экономика


На главную | О проекте | Правила | Помощь
Copyright © 2009-2018  www.selyam.com