Selyam
 
Ваш Email:
Пароль:
 Запомнить меня

Регистрация /Забыли пароль?
Ел кирасы артаджакъмы?

Белли ки, Къырымдаки юзден зияде автотранспорт ишханелерининъ ее ёлджу ташыйыджы хусусий ишханелернинъ адындан ачыкъ мектеп язгъан Ёлджу ташыйыджылар ассоциациясы Къырым укюметинден шимди мевджут олгъан тарифлерни янъыдан бакъып чыкъмакъны, яни ел кирасы фиятыны котермекни талап этти.

КъАЛДж Транспорт ве алякъа боюнджа джумхуриет комитетининъ реиси Иван Ванханен декабрь 4-те шу автоишханелернинъ ёлбашчыларынен корюшти.
Корюшюв девамында тарафлар озь фикирлеринен алмаштылар. Ассоциациянынъ эсас делиллери шундан ибарет ки, ишханелер буюк зарар корип, транспортны керекли севиеде бакъып оламай экенлер. Шу себептен олар шеэрлерара ёлджу ташув тарифини шимдики 22 капиктен (бир километр ичюн) 30 капикке къадар котермекни истейлер.
Транспорт ве алякъа комитетининъ эсаплавларына коре исе, фиятлар бойле тарзда котерильсе, Къырым шеэр ве койлери арасында ёлджу ташув тарифлери бирден артаджакъ. Дейик, Акъмесджиттен Ялтагьа бармакъ шимдики 27,31 грн ерине 37,25 гривнягьа, Акъмесджиттен Керичке бармакъ шимдики 63,14 гривнядан 86 гривня 11 капикке, Акъмесджиттен Ор къапыгьа бармакъ 42 гривнядан 58 гривнягьа отураджакъ.
Комитет реиси Иван Ванханен корюшювде Къырым укюмети бу меселени чезмек узеринде чалышувны девам этеджегини ишандырды. «Бунынъ ёлуны тапмакъ ичюн тарифлер бельгилев боюнджа иш группасы мейдангъа кетирильди. Иште, тезден ёлджу ташыйыджыларгъа алгъан къарарымызны бильдирирмиз», деди о.
КъМДж Транспорт ве алякъа боюнджа джумхуриет комитетининъ бильдирювинден

Источник: Янъы дунья

News maker www.selyam.com
2013-12-06 16:03:58
Раздел: Общество

Разделы

Здоровье
История
Культура
Музыка
Образование
Общество
Политика
Разное
Сельское хозяйство
События
Спорт
Строительство
Экономика


На главную | О проекте | Правила | Помощь
Copyright © 2009-2018  www.selyam.com