Selyam
 
Ваш Email:
Пароль:
 Запомнить меня

Регистрация /Забыли пароль?
Къырымтатар яшлары Анкъарада корюштилер

Ноябрь 13-14 куньлери дюньянынъ чешит улькелеринде яшагъан къырымтатар генчлери Тюркиенинъ Анкъара шеэринде кечирильген 6-нджы Къырымтатар яшлары къурултайына топландылар. Къырымны къурултайда, чешит тешкилятларнынъ азалары олгъан 14 генчтен ибарет делегация такъдим этти. Къурултайнынъ 150-ден зияде иштиракчиси эки кунь девамында яшларнынъ огюнде тургъан муим меселелер, джумледен къырымтатар тилини джанландырмакъ ве къорчаламакъ, миллий гъае этрафында бирлешмек киби проблемлер боюнджа фикир пайлаштылар. Шусы дикъкъаткъа ляйыкъ ки, мезкюр къурултайда Къырым ханлары Герайлар сюлялесининъ, бундам бир бучукъ асыр эвельси рус ишгъали себебинден Къырымны ильк терк эткен Азакълыогълу ве Кефелиогълу сюлялерининъ векиллери де булундылар.

Къырымтатар яшлары Анкъарада корюштилер

Къурултайнынъ биринджи куню яшлар озьлерини ве такъдим эттиги тешкилятны таныттылар. Сонъра Миллий Меджлис реиси Мустафа Джемилевнинъ видеохайырлавы, КъМПУ ректоры, профессор Февзи Якъубовнынъ мектюби янъгъырады.                          
Экинджи куню секцияларгъа болюнген яшлар тарих, медениет, тасиль боюнджа тюшюнджелери ве бу саада япмасы зарур ишлернинъ планларыны тиздилер. Акъшамлары исе шенъ «Къайтарма» яшларнынъ бири-бирилеринен даа да якъынджа таныш олмаларыны теминледи. Бильхасса халкъымызнынъ севимли оюнларындан бири олгъан «Явлукъ оюны» йигитлеримизнинъ усталыгъыны нумайыш этти. Къырымнынъ татлы сес бульбуллерй Афизе Юсуф къызы ве Эмине Мустафаева халкъ йырларынен бутюн иштиракчилерни хошнут эттилер.
Къурултайнынъ сонъунда невбеттеки къурултайгъа азырлыкъ группасы тизилип, онъа Къырымдан «Меджал» тешкилятынынъ башы Айдер Аджымамбетов кирсетильди.
Къурултайда топлангъан 150 яш дюньядаки бутюн къырымтатарларнынъ екяне Ватаны Къырымдыр ве эр бир къырымтатарнынъ ана-Ватанда яшамагъа акъкъы олгъаны, къырымтатар яшлары тюрк дюньсы ве Ислям алемининъ айырылмаз бир парчасы ол­гъаны, къырымтатар тили ве медениетини сакълап къалмакъ ичюн къолларындан келеджегини япаджакълары акъкъында бирагъыздан айттылар.
Яшларнынъ 6-нджы къурултайы Къырым дернегининъ Анкъарадаки баш меркези эм маневий, эм маддий къолтутувы саесинде кечирильди.

Источник: Янъы дюнья
Автор: Арзы Меметова

News maker www.selyam.com
2010-11-19 18:56:00
Раздел: События

Разделы

Здоровье
История
Культура
Музыка
Образование
Общество
Политика
Разное
Сельское хозяйство
События
Спорт
Строительство
Экономика


На главную | О проекте | Правила | Помощь
Copyright © 2009-2019  www.selyam.com